ننګرهار وادي کرنیز امارتي شرکت رییس د اوبو د منظم وېش لپاره ګامونه پورته کوي
د ننګرهار وادي کرنیز امارتي شرکت رییس سید محمد نعیم «محمدي» تېره ورځ په خپل دفتر کې د کرنیزو چارو مسوول انجنير محمد جميل «خوشحال» او د کانال امارتي شرکت وياند سید همايون «غريبمل» په شتون کې د اوبولګولو تخنیکي ساتنې او څارنې امر انجنير ګل احمد، د ۴ ګونو فارمونو د اوبخور مسوولینو «مديرانو» او میرابانو سره وکتل.
د غونډې په ترڅ کې، رییس محمدي د دوي ستونزې او سالمې غوښتنې واوریدې. اړونده مسوولینو ته یې د کانال د لوی نهر اوبو په منظم وېش، عدالت او انصاف رعایتولو او د اصولو نه په کار اخیستنې ټینګار وکړ.
همدارنګه یې مسوولینو ته د خپلسریو مخنیوي، د خپلسريو واټرپمپونو او جنراتورونو د کارولو د بندولو او غېرې پلاني بلونو د منظم کولو په موخه د کوټلو ګامونو پورته کولو هدایت او سپارښتنه وکړه.
