په پکتیا کې د وینې بهوونکې ناروغۍ د مخنیوي کمپاين پيل
د کرنې، اوبولګولو او مالدارۍ ریاست په پکتیا کې د وینې بهوونکې ناروغۍ د مخنیوي کمپاين پيل کړ دغه کمپاين به د ګردېز ښار په ګډون په زرمت، شواک، احمدابا، سیدکرم، ځاځي اریوب، څمکنيو او ډنډپټان ولسوالیو کې ترسره شي.
کمپاین د څارويو د اوسېدو ځایونو دواپاشي ته ځانګړی شوی، ترڅو د کني او شني خپرېدل په څارویو کې کنټرول شي. همداراز، خصوصي ډاکټرانو ته د مخنیوي لپاره د اړینو وسایلو لکه درمل، محافظوي لباس، ماسک، عینکې، موزې او د لاس مینځلو مایع وسایل ورکړل شول.
کمپاین په لومړي ګام کې مالدارانو ته عامه پوهاوی ورکوي، او له هغه وروسته به د دواپاشۍ برنامه په ټولو یادو سیمو کې پلې شي.
