د ننګرهار کانال شرکت: عبدالخېلو بلاک کې د جوارو، میو او سویابینو کښت ښه پرمختګ کړی
۷ تله ۱۴۰۳ه.ش
۲۵ رَبِیعُ الْأَوَّل ۱۴۴۶ه.ق
د هلال ګروپ له لوري د ننګرهار وادي کرنیز شرکت د عبدالخېلو بلاک د هډې فارم په سیمه کې د جوارو، میو او سویابینو کښت ترسره شوی، چې د کرنې مسوولینو یې له نږدې ارزونه وکړه. مسوولینو د کښت د حالت څخه خوښي وښوده او هیله یې څرګنده کړه چې دا کښتونه به کروندګرو ته معیاري تخمونه وړاندې کړي.
په عبدالخېلو بلاک کې د هلال ګروپ له لوري کرل شوي د جوارو، مۍو او سویابینو کښتونه، د هډې فارم سرپرست امر انجنیر قیس الله ابراهیم خېل، د مالدارۍ فارم امر انجنیر شکرالله، په ختیځ کې د هلال ګروپ سیمهيیز دفتر مسوول ډاکټر عبدالغفار لودین او د عبدالخېلو بلاک مدیر انجینر احمد فاتح، له لوري وکتل شول. دوی څرګنده کړه چې دغه کښتونه په ښه حالت کې دي او ډېر ژر به د کروندګرو لپاره معیاري تخمونه تولید کړي.
هلال ګروپ په دې وروستیو کې د کرنې په برخه کې د پام وړ پرمختګ کړی او د اوړي د نباتاتو د تخمونو تولید ته یې ځانګړې پاملرنه کړې ده. دا پروژه د سیمهییزو کروندګرو لپاره یو مهم ګام دی، ترڅو د کیفیت لرونکو تخمونو په مرسته کرنه پیاوړې کړي.
