د ننګرهار دکرنې ریاست: ۱۶ ټنه خوسا آمونه په تورخم کې بېرته پاکستان هېواد ته ولېږل شول
۷ تله ۱۴۰۳ه.ش
۲۵ رَبِیعُ الْأَوَّل ۱۴۴۶ه.ق
د ننګرهار د کرنې، اوبو لګولو او مالدارۍ ریاست د تورخم قرنطین کارکوونکو د پاکستان څخه وارد شوي ۱۶ ټنه خوسا آمونه ونیول او بېرته یې هغه هېواد ته مسترد کړل. یاد آمونه د یوې خصوصي شرکت لخوا وارد شوي وو.
دغه راز د څو ورځو په جریان کې، د یاد ریاست کارکوونکو په تورخم کې د بي کیفیته جوارو او خراب سویابین محمولې هم نیولې وې. د ننګرهار کرنې ریاست له ټولو سوداګرو څخه غواړي چې باکیفیته او صحي محصولات وارد کړي، ترڅو هېوادوال له پاکو او سالمو محصولاتو څخه ګټه پورته کړي.
د کرنیزو محصولاتو واردولو په برخه کې کیفیت ته نه پاملرنه، د روغتیايي ستونزو او اقتصادي زیانونو لامل ګرځي. د هېواد چارواکي هڅه کوي، چې د دې ستونزې مخنیوی وکړي او باکیفیته محصولات هېواد ته وارد شي.
