لوګر کې د ۷۵ میلیونه افغانیو په ارزښت سلګونو بزګرانو ته د غنمو اصلاح شوي تخمونو او کیمیاوي سرې وېش لړۍ پيل شوه

د لوګر ولایت د کرنې، اوبو لګولو او مالدارۍ ریاست له لوری د خوړو او کرنې نړۍوالې ادارئ په مالي ملاتړ د افغانستان لپاره د راتلونکو نسلونو مؤسسې په تخنیکی همکارۍ د دې ولایت د مرکز پُل علم ترڅنګ د شپږو ولسوالیو پر ۹۵۰۰ بزګرانو د غنمو د اصلاح شویو تخمونو او کیمیاوي سرو وېش لړۍ پیل شوه.
په همدی موخه جوړه شوې غونډه کې د لوګر مرستیال والی مولوی محمد انور دین پرور سربېره د کرنې، اوبولګولو او مالدارۍ رییس مولوي عبدالرؤف سعید، د اقتصاد ریاست، ښار جوړونې ریاست، سیندیزې حوزې ریاست او قومونو او قبایلو چارو ریاست رییسانو، د افغانستان د راتلونکو نسلونو مؤسسې چارواکو او ګڼ شمېر بزګرانو ګډون کړی وو.
د لوګر مرستیال والی د همکارې مؤسسې له مسؤولینو مننه وکړه، چې په خپل وخت یې د اړمنو بزګرانو لاس نیوی وکړ او ورته یې اصلاح شوی تخمونه او کیمیاوی سرې برابر کړل، مرستیال والي زیاته کړه: «له موسساتو سره پوره همکار یو هڅه کوو ورته د پروژه تطبیق او مرستو وېش په برخه کې ورته لازمې اسانتیاوې برابروو.»
په همدې حال کې د لوګر د کرنې او مالدارۍ رییس له ټولو ګټه اخیستونکو وغوښتل تر څو وېشل شوي تخمونه د دغې ادارې له تخنیکي او مسلکي کارکوونکو سره په پوره همغږۍ وکري د اړتیا په وخت کې دی یادې ادارې ته مراجعه وکړي.
په دغه پروسه کې هر کروندګر ته ۵۰ کیلوګرامه د غنمو اصلاح شوي تخم، ۵۰ کیلو سپینه او ۵۰ کیلو توره سره ورکول کېږي، ترڅو یاد بزګر پر وخت دغه تخمونه ترلاسه کړي او راروان دغنمو فصل ته ورته بشپړ چمتوالی ولري.
د دغو مرستو موخه په دې ولایت کې د اصلاح شویو تخمونو دودول، د بزګرو او ځمکوالو ملاتړ او له کمو ځمکو څخه د لوړو حاصلاتو ترلاسه کول دي.
دیادوني وړ ده، چې دغه پروسه په نورو ولسوالیو کي هم روانه ده چې زرګونه بزګران به له دغو مرستو برخمن شي.