د هلمند ناوه کې لسګونو مالدارانو سره د څارویو دخوراکي توکو مرسته وشوه
دهلمند ولایت د کرنې، اوبولګولو او مالدارۍ ریاست لخوا، د هالنډ کمیتې په مالي همکارۍ د ناوې ولسوالی ١٨٧ مالدارانو سره د څارویو لپاره د خوراکې توکو، د چینجیو ضد او چاغښت درملو مرسته وشوه.
دیادو مرستو په جوړښت کې هر مالدار ته ١١٤ کیلو ګرامه جوار، ١٠٠ سیسي د حیواناتو چینجیو ضد او چاغښت درمل شامل دي، چې دغه توکي ورته د ناوې ولسوالی د کرنې مسؤل مولوی امدادالله او ګډې کمیټې په حضور کې وویشل شول.
دیادولو وړ ده، چې تر دې وړاندې هم ناوې ولسوالی کې زرګونو مالدارانو سره په بېلابېلو برخو کې مرستې ترسره شوي دي.
