لغمان کې د ځمکې غصب او غصب شويو ځمکو بېرته راکرځولو کمېټې غونډه دائره شوه
۲۷ وږی ۱۴۰۳ه.ش
۱۴ رَبِیعُ الْأَوَّل ۱۴۴۶ه.ق
لغمان کې د ځمکې غصب او غصب شويو ځمکو بېرته راکرځولو کمېټې غړو د لغمان دکرنې رييس مولوي عبدالستار محمد په مشرۍ د ددې ولایت دکرنې ریاست کې خپله غونډه دائره کړه.
د غونډې په پيل کې د لغمان دکرنې رييس او د کمېټې مشر مولوي عبدالستار محمد لارښوونکې وينا ويلو ترڅنګ د تېرې غونډي دپريکړو دتطبيق ارزونه وکړه.
د لغمان دکرنې رییس وویل:«موږ او تاسو ته د امارتي ځمکو دتثبیت او تشخیص یو دروند مسؤلیت راسپارل شوی په دې برخه کې خپلو هڅو ته لا پسې دوام ورکړئ ترڅو د هغو ځمکو دوسیو چې بشپړې شوي ندي د لارښود مطابق دغور او څیړنې وروسته یې دوسیې ترتیب او مرکزي کمېسیون ته یې واستوئ».
په دې غونډه کې دی یوشمېر اشخاصو ترمنځ حقوقي دوسيې، وڅېړل شول او په هکله یې لازمې پرېکړې وشوې.
دغه راز د غونډې په ترڅ کې پر یوشمېر نورو مهمو موضوعاتو هم خبرې وشوې او د عاریضونو دوسیې او ستونزې وڅېړل شول.
بايد وويل شي، چې د لغمان ولايت د ځمکې د غصب مخنيوي او غصب شويو ځمکو د بېرته راګرځولو کمېټه تر دې دمه په دې ولايت کې د ډېرو ځمکو د غصب مخه نيولي او ترڅنګ يې ډېر غصب شوي ځمکې بېرته راګرځولي دي.
