د هلمند خانشین کې د ولسي خلکو په غوښتنه لس کیلو متره زابر پاکېږي

۲۴ وږی ۱۴۰۳ه‍.ش
۱۱ رَبِیعُ الْأَوَّل ۱۴۴۶ه‍.ق
دهلمندولایت د کرنې، اوبولګولو او مالدارۍ ریاست په هلو ځلو، د ملګرو ملتونو دخوړو او کرنې ادارې په مالي او د پوهې کچې لوړولو یا جک مؤسسې په تخنیکي همکارۍ،  دخانشین ولسوالی د مرنجان په سیمه کې شاوخوا ۱۰ کیلومتره زابر پاکېږي. 
دیادې پروسې لپاره د هغو کاریګرو د سروې او انتخاب چارې ترسره شوې، چې په مټ به یې د یاد زابر کارونه ترسره کېږي. 
ددغه زابر په پاکولو سره به نږدې د ۲۰۰۰ هکتاره کرنیزې ځمکې اضافي اوبه وایستل شي او تر ترڅنګ به یې  ۲۷۰ تنو بې کاره خلکو ته د ۴۰ ورځو لپاره د کار زمینه برابره شي.
نوموړی زابر چې د کلونو راهیسې یې پاکولو ته اړتیا لرل، خو د سیمې  خلکو نشو کولای، ترڅو په خپل شخصي لګښت یې پاک کړي، دامهال ورته د کرنې ریاست له لوري زمینه برابره شو ترڅو د یادو کرونده ګرو ستونزې ته رسېدنه وکړي.
https://whatsapp.com/channel/0029VajQTqLBKfi8Pt3IRu18