د پاملرنی مؤسسې مسؤلينو د کرنې له رییس سره د همغږۍ ناسته ترسره کړه
۲۴ وږی ۱۴۰۳ه.ش
۱۱ رَبِیعُ الْأَوَّل ۱۴۴۶ه.ق
د پکتيا ولايت د کرنې، اوبولګولو او مالدارۍ رياست په مقام کې د پاملرنې مؤسسې مسؤلينو د کرنې رياست له رییس مولوي سیدامین هاشمي سره د همغږۍ ناسته ترسره کړه.
په ياده ناسته کې په دوه اړخېزه همکاريو د بحث ترڅنګ د ښې همغږۍ په رامنځته کولو ټينګار وشو، همداراز د پاملرنې مؤسسې مسؤل حیات الله احمدزی له ښاغلی هاشمی سره د خپلو راتلونکو پروژو په اړه معلومات شریک کړل.
ښاغلی هاشمي په خپلو خبرو کې د يادې مؤسسې له مسولينو سره د همکارۍ د ژمنې ترڅنګ د يادې مؤسسې له مسولينو وغوښتل، چې خپلې چارې د کرنې رياست سره په همغږۍ په پوره شفافيت سرته ورسوي، نوموړي همداراز وويل، چې ژر تر ژره سروې ترسره کړی او د بزګرانو ستونزو ته د حل په موخه خپل فعالیتونه ګړندي او بې له ځنډه يې په خپل وخت سرته ورسوي ترڅو د يادو پروژو په پلي کېدو سره به بزګرانو ته د کرنې په برخه سهولتونه رامنځته کړي.
