میدان وردګو ولایت کې د افغان تولیداتو ترنامه لاندې درې وځنۍ نندارتون پرانیستل شو
۲۱ وږی ۱۴۰۳ه.ش
۸ رَبِیعُ الْأَوَّل ۱۴۴۶ه.ق
میدان وردګو ولایت کې د افغان تولیداتو ترنامه لاندې درې وځنۍ نندارتون پرانیستل شو. د افغاني تولیداتو دغه نندارتون، چې د صنعت او سوداګرۍ وزارت په همکارۍ د یوه خصوصي شرکت لخوا جوړ شوی بېلابېل افغاني تولیدات پکې نندارې ته وړاندې شوې.
دافغان تولید ترنامه لاندې دغه ستر نندارتون چې د میدان وردګو په ولایت کې د روشن خصوصي شرکت له لوري د صنعت او سوداګرۍ وزارت په همکارۍ جوړ شوی، چې بېلابېل افغاني تولیدات پکې نندارې ته وړاندې شوو.
په دغه نندارتون کې د میدان وردګو ولایت د کرنې، اوبولګولو او مالدارۍ رییس مولوی نیاز محمد عابد د یاد ریاست کارکوونکي په ګډون د نندارتون له بېلابېلو غورفو څخه لیدنه وکړه، د یاد نندارتون په جوړولو یې خوښي اوښوده او زیاته یې، کړه چې د داسې نندارتونو دائرول به د تولیدونکو او بازار ترمنځ د یو ارتباطي پول په رامنځته کولو کې یو مهم رول ولري.
د دې نندراتون ګډونوال او صنعت کاران د افغاني تولیداتو لا پراختیا په برخه کې دغه ډول نندارتونونه خورا ګټور بولي او هیله من دي، چې په دې سره به د هېوادوالو صنعت او سوداګرۍ لا وده وکړي.
د افغان تولید د دغه نندارتون ګډونوال او صنعت کاران له مسؤلینو څخه غوښتنه کوي، چې دوی ته دې د افغاني تولیداتو بازار موندنې برخه کې لازمې اسانتیاوې او سهولتونه برابر کړي.
