ننګرهار کې ۳۵ زره بزګرانو ته دغنمو اصلاح شوي تخمونه او کیمیاوي سري ورکول کېږي
۷ وږی ۱۴۰۳ه.ش
۲۴ صَفَر المُظَفَّر ۱۴۴۶ه.ق
د ننګرهار د کرنې، اوبو لګولو او مالدارۍ رییس مولوي محمد ولي محسن د ملګرو ملتونو د خوړو او کرنې ادارې دختیځ زون مسؤل خوشحال اصفي او مل پلاوي سره په کتنه کې، د راتلونکو پلانونو، ستونزو، فرصتونو او لاسته راوړنو په هکله خبرې اترې وکړې.
ددې غونډې په ترڅ کې د ملګرو ملتونو د خوړو او کرنې ادارې دختیځ زون مسؤل خوشحال اصفي وویل دوی سږ کال د ننګرهار په ۲۲ ولسوالیو کې ۳۵ زره بزګرانو ته د غنمو اصلاح شوي تخمونه او کیمیاوي سرې پخپل وخت ورکوي.
نوموړې وویل، په نږدې راتلونکي کې د ۱۷۳ زره امریکایي ډالرو په لګښت په کامي ولسوالۍ کې د اوبو ښه مدیریت په موخه د دوو کانالونو جوړولو او پاک کارۍرچاري چې ۳ زره او ۲۶۰ متره اوږدوالي لري پیلوي.
هغه زیاته کړه د مالدارۍ پیاوړتیا او پوستکي ناروغۍ مخنیوي په موخه ننګرهار کې ۱۰۰ زره څارویو ته واکسینونه تطبیقوي.
د ننګرهار د کرنې، اوبو لګولو او مالدارۍ رییس مولوي محمد ولي محسن د داسې ګټورو پروژو په پلي کولو خوښي وښوده او دوی ته په ټولو قانوني چارو کې د همکارۍ او همغږۍ ډاډ ورکړ.
