د سره صلیب نړۍواله کمېټه د هسکې مېنې ولسوالی سلګونو بزګرانو سره مرسته کوي
۷ وږی ۱۴۰۳ه.ش
۲۴ صَفَر المُظَفَّر ۱۴۴۶ه.ق
د ننګرهار د کرنې، اوبولګولو او مالدارۍ رئیس مولوي محمد ولي محسن دخپل کار په دفتر کې د سره صلیب نړۍوالې کمېټې داقتصادي خوندیتوب مسؤل نجیب الله کوشان او عبدالکریم عزیزي سره په ننګرهار کې د دوی کړي کارونو او راتلونکي پلانونو په موخه وکتل.
ددې لیدنې په ترڅ کې د سره صلیب نړۍوالې کمېټې داقتصادي خوندیتوب مسؤل نجیب الله کوشان وویل دوی د هسکی مېني ولسوالۍ په ۶ کلیو کې سلګونه بزګرانو سره په مختلفو برخو کې مرستي کوي.
نوموړې وویل د یادي ولسوالۍ په ۴ کلیو کې دکار په بدل کې دنغدو پیسووېش کارونه پیل کړی، چې ۲۷۱ تنو هېوادوالو ته پکي د کار زمینه برابره شوې ده.
هغه زیاته کړه بزګرانو ته د اوبولګولو میتودونو، داوبو څخه د استفادې ګټورې لارې چارې، اقلیمي بدلونونو او ګڼو نورو برخو کې روزني هم ورکول کېږي.
د ننګرهار د کرنې، اوبولګولو او مالدارۍ رییس مولوي محمد ولي محسن راغلو مسؤلینو څخه د کانالونو جوړولو، بڼوالۍ، ځنګلونو کرلو، مالدارۍ پیاوړتیا او نورو برخو کې د کړنو ترسره کولو هېله وکړه او په ټولو قانوني چارو کې ورته د هر راز همکارۍ ډاډ ورکړ.
