د لغمان بادپښ کې د وټرنرۍ کلنیک ګټې اخيستنې ته وسپارل شو

۶ وږی ۱۴۰۳ه‍.ش
۲۳ صَفَر المُظَفَّر ۱۴۴۶ه‍.ق
د لغمان د کرنې، اوبو لګولو او مالدارۍ ریاست سره په همغږۍ افغانستان لپاره د هالینډ کمیټې په تخنیکي همکارۍ د بادپښ ولسوالی مالدارانو لپاره د چوپړتیاوو وړاندې کولو په پار د وترنرۍ کلنیک ګټې اخيستنې ته وسپارل شو.
دياد کلنیک دګټې اخیستو په مراسمو کې دلغمان د کرنې، اوبو لګولو او مالدارۍ رییس مولوي عبدالستار محمد، د بادپښ مرستیال ولسوال مولوی عبدالرزاق، امنیه قومندان مولوی سمیع الله فیضاني، د علماؤ شورا مسوولینو، د هالنډ کمېټې ولایتي مسوول ډاکټر محمد بیدار، یوشمېر سیمه ییزو چارواکو او د سمیې قومي مشرانو او مالداران حضور درلود.
دلغمان د کرنې، اوبولګولو او مالدارۍ رییس مولوي عبدالستار محمد  وویل، چې د مالدارۍ یاد کلنیک دافغانستان لپاره د هالینډ کمېټې لخوا جوړ او مسؤل پارا وټرنر ته وسپارل شو.
نوموړي وويل په بادپښ ولسوالی کې ډېری غټ او واړه څاروي د څارویو د چوپړتیاوو بې برخې وو،  چې ددې کلینیک په جوړولو سره د درملو ترڅنګ واکسینونو، درملنې او لازمو مشورو سره د مالدارۍ سکتور کې مثبت بدلون رامنځته کېږي.
هغه زياته کړه یاد داکتر ته د هالینډ کمېټې له لورې  شپږ میاشتي د مالدارۍ او وترنرۍ خدمتونو په برخه کې روزنه ورکړل شوې وه؛ چې نن ورته د کلنیک اړوند وسایل او درمل هم ورکړل شو.
د لغمان دکرنې رییس زیاته کړه دیاد کلنیک لپاره یو عراده هونډا موټر سایکل، یو پایه لمریز یخچال، مکمل لمریز سیستم، د وټرنري تخنیکي کڅوړه، لوجستیکي کڅوړه او ګڼ نور وسایل ورکړل شو،  ترڅو مالدارانو ته ښه او بهتره چوپړتیاوې وړاندې کړي.