د ننګرهار د کرنې ریاست: چمتلې ښارګوټي کې د غصب شویو سیمو ارزونه کېږي
د ننګرهار د کرنې، اوبو لګولو او مالدارۍ اداري او تخنیکي پلاوي رییس مولوي محمد ولي محسن د چمتلي ښارګوټي کې د نقشه شوي او وېشل شوي ځمکي سربېره اضافه غصب شوي ځمکي د ارزونې او څېړلو په موخه د کډوالو او ښارجوړونېرییسانو سره ناسته ترسره کړه.
دکډوالو او ښارجوړونې رییسانو د ننګرهار د کرنې رییس او دغصب مخنیوی تخنیکي پلاوي مشر سره د چمتلي ښارګوټې بشپړ اسناد، پر کډوالو وېش، نقشو، سکیج، کروکي او جریبي انداري معلومات شریک کړل.
د ننګرهار دکرنې رییس وویل چې کډوالو، ښارجوړونې او کرنې ریاستونو یو ګډ تخنیکي پلاوي دې وټاکل شي او په ښارګوټي کې اضافه جریبي او دهغې اندازه معلوم کړي او سکیج، کروکي او نور مشخصات دي واخیستل شي.
همدارنګه پرېکړه وشوه چې د غصب مخنیوي تخنیکي پلاوي دي دچمتلي ښارګوټي غصب شوي او نقشه شوي سیمې له نږدې وګوري او دوسیه یي تکمیل او غصب مخنیوي مرکزي کمیسون ته د وروستي اجرآتو په موخه واستول شي.
