سروبي کې د مصنوعي ځنګل او شاړو ځمکو خړوبولو په پار د اوبو زېرمه جوړېږي
۱۸ زمری ۱۴۰۳ه.ش
۴ صَفَر المُظَفَّر ۱۴۴۶ه.ق
د کابل دکرنې، اوبولګولو او مالدارۍ ریاست چارواکي وایي، چې د روپاني بنسټ په مرسته ددې ولایت د سروبي ولسوالی د مهمندې په سیمه کې د مصنوعي ځنګل او شاړو ځمکو خړوبولو په پار د اوبو زېرمه جوړېږي.
د چارواکو په خبره د اوبو دغه زېرمه د سروبي ولسوالی د مهمندي د انګور تاک غرنۍ سیمه کې جوړېږي، چې ورسره به د مصنوعي ځنګل ترڅنګ ۲۰ هکټاره شاړې ځمکه هم خوړبه شي.
ددې پروژې د پلي کولو موخه د اوبو مدیریت او په ټوله کې ددې سیمې د کرنې او ځنګلونو ودې او پراختیا ته زمینه برابرول دي.
