د سروبي ولسوالی د اوزبین کاریز او لوی کانال د اوبو مدیریت په پار هڅې
۷ زمری ۱۴۰۳ه.ش
۲۲ مُحَرَّمُ الحَرام ۱۴۴۶ه.ق
د کابل دکرنې، اوبولګولو او مالدارۍ ریاست چارواکي ددې ولایت د سروبي ولسوالی د اوزبین کاریز او لوی کانال د اوبو مدیریت او د اوبو د منظم وېش په موخه له یاد کاریز او کانال څخه لیدنه وکړه.
د کابل دکرنې ریاست د چارواکو په خبره ددې لیدنې په ترڅ کې یاد کاریز، چې ددې کلي نږدې ۵۰۰ جریبه ځمکه خړوبوي او ورسره د یاد کاریز لوی کانال او فرعي کانالونه ثبت او راجتسر او کروندګرو ته د منظم اوبولګولو په پار سپارښتنې وشوې، ترڅو د اوبو د ضایعاتو مخه ونیول شي.
د کابل دکرنې ریاست چارواکي وایي، چې د اوبو رسونې د اوسني سیستم ښه والی، د نویو زېربناوو او سرچينو جوړونه د اوبو د مدیریت په برخ کې اغېزمن دي او د اوبو د یو پرمختللي سیستم په درلودلو سره به د زياتو اوبو د ضایعاتو مخنیوی وشي او د اوبو د عادلانه وېش په برخه کې به دغه چاره مرستندويه تمامه شي.
