د کندهار د میوند چینې کانال چارې ۴۰ سلنه بشپړې شوي
د کندهار دکرنې، اوبولګولو او مالدارۍ ریاست چارواکي وایي، چې ددې ولایت د میوند په ولسوالی کې د مېوند چینې د کانال جوړولو رغنیزې چارې دامهال ۴۰ سلنه بشپړې شوي او پاتې چارې یې په ډېرې چټکۍ سره جریان لري، چې ډېر ژر به بشپړ او ګتې اخیستنې ته به وسپارل شي.
د کندهار دکرنې، اوبولګولو او مالدارۍ ریاست چارواکي وایي، چې د میوند چینې کانال ۲.۴ کیلومتره اوږدوالی او ۷۰ سانتي متره جګوالی لري، چې چارې یې کابو نیمایي شوي او تر څلورو میاشتو به یې کارونه بشپړ او ګټې اخیستنې ته وسپارل شي.
د چارواکو په خبره دامهال په دې کانال کې لسګونه کسان او ماشینري په کار بوخت دي.
ددې کانال په جوړولو سره به زرګونه جریبه کرنیزې ځمکې ته د اوبو رسولو زمینه برابره او سلګونه جریبه شاړې ځمکې به کرکېلي ته چمتو شي.
