د ننګرهار نازیانو کې څارویو ته د چیچک ناروغۍ پر وړاندې د واکسینونو د تطبیق چارې پیل شوې
۳۱چنګاښ ۱۴۰۳ه.ش
۱۵ مُحَرَّمُ الحَرام ۱۴۴۶ه.ق
د ننګرهار د کرنې، اوبولګولو او مالدارۍ ریاست په هڅو دافغانستان لپاره د هالینډ کمیټې له لورې د ننګرهار ولایت د نازیانو په ولسوالی کې څارویو ته د چیچک پروړاندې د واکسینونو د تطبیق چارې پیل شوې.
د ننګرهار د کرنې، اوبواګولو او مالدارۍ ریاست چارواکي وویل، چې د نازیانو ولسوالی کې پنځه زره څارویو ته د چیچک ضد واکسینونو د تطبیق چارې پیل شوي دي.
دغو چارواکو زیاته کړه، چې د یاد واکسین د طبیق موخه په څارویو کې د چیچک ناروغۍ له منځه وړل، او دغه راز د مالدارۍ محصولاتو زیاتوالي، د حیواناتو د مړینې د کچې ټیټول او د مالدارانو د عوایدو لوړول دي.
باید وویل شي، چې د هالینډ کمېټه په ننګرهار کې د درملو سربېره د هګیو چرګانو، حیوانې خوراکې وېش، حیوانې کلینیکونو، کوچني د خوراکې زېرمتونونو جوړولو او ګڼو نورو برخو کې هم د مالدارانو لاسنیوی کوي.
