د کندهار میوند کې پر لسګونو مالدارانو د څارویو خوراکي توکي وېشل کېږي
د کندهار دکرنې، اوبولګولو او مالدارۍ ریاست؛ د افغانستان لپاره د هالنډ کمېتې په تخنیکي همکارۍ ددې ولایت د میوند ولسوالی پر ۵۰ مالدارانو د څارویو خوراکي توکي وېشي.
دکندهار دکرنې، اوبولګولو او مالدارۍ ریاست چارواکي وویل، چې ددې پروسې په لړ کې هر مالدار ته چې لږ تر لږه څلور څاروي ولري د څارویو ۱۰۰ کیلوګرامه خوراکي توکي ورکول کېږي.
د دوی په ټکو دغه پروګرام په کندهار کې د مالدارانو د لاس نیوی، د مالدارۍ سکټور د پیاوړتیا او د لبني محصولاتو د زیاتوالي په خاطرترسره کېږي.
ویل کېږي برابرشوي خوراکي توکي له زیاتوتغذیه کوونکو توکوڅخه جوړ شوي دي، چې د وزو، وري او غوا په چاقولو کې به اساسي رول ولري.
