میدان وردګو کې د طبي بوټو د راټولولو قراردادونه لاسلیک شول
۲۸چنګاښ ۱۴۰۳ه.ش
۱۲ مُحَرَّمُ الحَرام ۱۴۴۶ه.ق
د میدان وردګو ولایت د کرنې، اوبولګولو او مالدارۍ ریاست لخوا، د کرنې وزارت او میدان وردګو ولایت مقام سره په بشپړه همغږۍ ددې ولایت د بهسودو اولې حصې، دایمیرداد او مرکز بهسود کې د ایله رنګ او اورشي طبي بوټي څخه په مسلکي ډول د ګټې اخستنې قراردادونه لاسلیک شول.
د قراردادونو یاد مراحل چې د داوطلبۍ په توګه ترسره شول په کې د میدان وردګو دکرنې ریاست ترڅنګ د اړوندو ادارو چارواکو هم حضور درلود.
د د ایله رنګ اورشي طبي بوټی، چې د بېلابېلو ناروغیو مخنیوی لپاره په طبابت کې کارول کېږي په خپل سري توګه په غرنیو سیمو کې په موسمي ډول راشنه کېږي، چې مخکې به له دغو بوټو څخه په غیر فني ډول د اشخاصو او افرادو لخوا ګټه اخیستل کېدل.
دا مهال ددغو طبي بوټو څخه د استفادې کولو په منظور د کرنې وزارت د ځانګړي طرزالعمل له مخې د ولایت مقام په همکارۍ ګټه اخیستل کېږي، چې د قراداد پیسې به یې په اصولي ډول د اسلامي امارت د وارداتو حساب ته جمعه کېږي.
