هلمند کې د زردالو زرګونه نیالګي روزل کېږي
۲۵چنګاښ ۱۴۰۳ه.ش
۹ مُحَرَّمُ الحَرام ۱۴۴۶ه.ق
دهلمند ولایت د کرنې، اوبولګولو او مالدارۍ ریاست له لوري د طبیعي سرچینو آمریت اړوند د بولان د نیالګیو روزلو مرکزي نیالخونه کې د نورو مېوه لرونکو نیالګیو ترڅنګ دزردالو ٢٥زره نیالګي تر روزنې لاندې دي.
دغه نیالګي سږکال په تخمي ډول په ٣ جریبه ځمکه کې کرل شوي دي، چې دامهال یې د منظمې روزنې چارې د مسلکي کارکؤنکو لخوا روانې دي.
یاد نیالګي به د کرنې ریاست د مسلکي کارکوونکو لخوا تر روزلو وروسته د ځانګړې کړنلارې له مخې د بڼوالو په واک کې ورکول کېږي.
د یادولو وړ ده، چې د کرنې ریاست هلې ځلې کوي، چې د عصري او اصلاح شوي بڼوالۍ برخې ته پراختیا ورکړي ترڅو بزګر د خپلو بڼوڼو څخه ښه حاصلات ترلاسه کړي.
