دهلمند ولایت د حیواني درمل پلورونکو ټولنې له مسؤلینو سره ناسته وشوه
۲۵چنګاښ ۱۴۰۳ه.ش
۹ مُحَرَّمُ الحَرام ۱۴۴۶ه.ق
د هلمند ولایت د کرنې، اوبولګولو او مالدارۍ ریاست اړوند د مالدارۍ او حیواني روغتیا آمر حافظ هدایت الله هدایت د یوشمېر چارواکو په شتون کې په هلمند کې د حیواني درمل پلورونکو ټولنې له مسؤلینو سره وکتل.
په دغه ناسته کې د یادې ټولنې مسؤلینو ته د حیواني درملو د پلور په برخه کې د ځانګړې کړنلارې له مخې لازم معلومات وړاندې شول.
یادو مسؤلینو ته د مالدارۍ او حیواني روغتیا آمر سپارښتنه وکړه ترڅو د لسو ورځو په جریان کې په خپلو درمل پلورنځیو کې حیواني او کرنیز درمل سره جدا کړي او هر درمل پلورونکی باید دځانه سره یو تن مسلکي کس ولري ترڅو ددې ولایت مالدارانو ته معیاري خدمات وړاندې شي.
د یادې ټولنې مسؤلینو ژمنه وکړه، چې دغه سپارښتنې به عملي کوي او د کرنې ریاست مسؤلینو ته به د خپلو کړنو په اړه ډاډ ورکوي.
