د ننګرهار پچیراګام کې پر سلګونو مالدارانو د شېدو ټولولو کڅوړې ووېشل شوې
۲۱چنګاښ ۱۴۰۳ه.ش
۵ مُحَرَّمُ الحَرام ۱۴۴۶ه.ق
د ننګرهار د کرنې، اوبولګولو او مالدارۍ ریاست د اکشن اېډ مؤسسې په تخنیکي همکارۍ او د ملګرو ملتونو د کرنې او خوړو ادارې په مالي مرسته ددې ولایت د چپرهار ولسوالی پر سلګونو مالدارانو د لبنې مصحولاتو راټولو کڅوړې وېشلي دي.
د ننګرهار د کرنې، اوبولګولو او مالدارۍ رییس مولوي محمد ولي محسن وویل؛ په پچیر اګام ولسوالی کې داکشن اېډ مؤسسې له لورې ۱۰۰۰ تنو مالدارانو ته د پاکو او صحي شېدو ټولولو لپاره د شېدو غټ ګیلاس، کټوۍ، سطل او جالۍ ورکړل شوه.
ښاغلي محسن وویل، چې یاد توکي هغو مالدارانو ته ورکړل شوي، چې څه موده وړاندې ورته د همدې مؤسسې له خوا هر مالدار ته ۲۰۰ کیلو ګرامه حېواني خوراکه ورکړل شوې وه.
دیادو وسایلو او حیواني خوراکې د وېش موخه پدې ولایت کې د مالدارۍ سکتور پیاوړتیا او دمالدارانو ملاټړ دي.
