هلمند کې د اصلاح شویو تخمونو د لابراتواري ازموینو چارې پیل شوې
۲۰چنګاښ ۱۴۰۳ه.ش
۴ مُحَرَّمُ الحَرام ۱۴۴۶ه.ق
دهلمند ولایت دکرنې، اوبولګولو او مالدارۍ ریاست اړوند، د سوېل لویدیځ زون د کرنیزو تخمونو د تصدیق ورکولو امریت له خوا د غنمو د تخمونو د لابراتواري تجزیې چارې پیل شوي دي.
په همدې موخه داصلاح شویو تخمونو خصوصي شرکتونو لکه بست، قدرت سمیع، هلمنداتحاد، حبیب هلمند، هلمندمثمراو هلمند دولتي تصدۍ څخه چی ٨١٢.٤٥ متریک ټنه پروسس شوي تصدیقي غنم یې تر دې مهاله پروسس او تولید کړي دي او دغه غنم په ٨١ کتارونو کې ځای پرځای شوی دي، د یادو تخمونو څخه نږدې ٨١ نمونې د لابراتواري تجزیې او ازموینو په موخه واخستل شوې.
دغه غنم به د لابراتوار په ذریعه وارزول شي، چې د تجزیې څخه وروسته به یې د یوه سالم تخم په توګه د رد او یا تائید په برخه کې لازم تصمیم ونیول شي.
دمثبتو پایلو له ترلاسه کولو وروسته به صحیح او سالمو تخمونو ته تصدیق ورکړل شي او غیر سالم تخمونه به رد کړل شي.
