خوست کې د څارویو حلالولو ځایونو څخه څارنه وشوه
۱۷ چنګاښ ۱۴۰۳ه.ش
۳۰ ذی‌الحِجّة ۱۴۴۵ه.ق
دخوست ولایت د کرنې، اوبولګولو او مالدارۍ رییس مولوی شېرمحمد ذبیح په داسې حال کې، چې د یاد ریاست یوشمېر نورو چاراکو یې هم ملتیا کوله ددې ولایت د حلالولو (مسلخ) له ځایونو څخه څارنه او ارزونه ترسره کړه.
د دغې څارنې او ارزونې موخه د خرابو او غیر صحي غوښو د پلور مخنیوی او اړونده قصابانو ته په (مسلخ) کې د څارویو د حلالولو توصیه وه.
ددې څارنې په ترڅ کې د خوست ولایت د کرنې ادارې مسلکي کارکوونکو لخوا قصابانو ته مسلکي سپارښتنې وشوې او ترڅنګ یې د دوئ ستونزې او وړاندیزونه هم واورېدل شول.
