کندهار کې د چرګانو دانې جوړولو فابریکې څخه څارنه وشوه
۱۳ چنګاښ ۱۴۰۳ه.ش
۲۶ ذیالحِجّة ۱۴۴۵ه.ق
د کندهار دکرنې، اوبولګولو او مالدارۍ ریاست په دې ولایت کې د چرګانو فارم لرونکو ته د اسانتیاوو برابرولو په موخه د خصوصي سکټور په همکارۍ د چرګانو د دانې جوړولو فابریکه جوړه کړې، چې د یادې فابریکې د معیاري فعالیتونو د ارزونې په موخه له دې فابریکې څخه څارنه وشوه.
د کندهار دکرنې ریاست او د اړوندو ادارو پلاوي له دې فابریکې څخه دلیدنې په ترڅ کې د نوموړې فابریکې مسؤلینو ته په بېلابېلو برخو کې لازمې لارښوونې وکړې او ترڅنګ یې د کرنې ادارې لخوا ورسره د هر اړخیزو همکاریو ډاډ ورکړل شو.
دیادولو وړ ده، چې کندهار کې د کرنې، اوبولګولو او مالدارۍ ریاست لخوا د خصوصي سکټور پانګوالو ته په ګڼو برخو کې اسانتیاوې رامنځته شوي دي ترڅو دوی وهڅېږي، چې په خپل ولایت کې پانګونه وکړي او له لارې یې لسګونو کسانو ته د کار زمینه برابره شي.
