لغمان کې لبني محصولاتو ته د بازار موندنې په موخه د شېدو ټولولو مرکز جوړ شو
۱۳ چنګاښ ۱۴۰۳ه.ش
۲۶ ذیالحِجّة ۱۴۴۵ه.ق
د لغمان د کرنې، اوبولګولو او مالدارۍ ریاست په هڅو د افغانستان لپاره د هالینډ کمیټې په تخنیکي همکارۍ ددې ولایت دعلینګار په ولسوالۍ کې د شېدو ټولولو مرکز جوړ او ګټې اخیستنې ته وسپارل شو.
د لغمان د کرنې، اوبولګولو او مالدارۍ رییس مولوي عبدالستار محمد وویل، چې د شېدو ټولولو یاد مرکز دهالینډ کمیټې په مالي همکارۍ علینګار ولسوالی اړوند مسکین آباد سیمه کې جوړ او ګټې اخیستنې ته وسپارل شو او دغه مرکز ته د شېدو راټولولو لوښي، دیخچال ماشین د وزن کولو تله او یو شمېر نور اړینو وسایلو مرسته وشوه.
محمد وویل، چې د یادو مرکزونو جوړولو څخه یې موخه د مالدارۍ سکتور پیاوړتیا، حیواني محصولاتو ته بازار موندنه، کاري فرصتونو برابرول او د خوړو خوندیتوب رامنځته کول دي.
