د لغمان دکرنې رییس د ډاکار مؤسسې ولایتي چارواکو سره وکتل
۱۶ غبرګولی ۱۴۰۳ه.ش
۲۸ ذوالقعده ۱۴۴۵ه.ق
د لغمان د کرنې، اوبولګولو او مالدارۍ رییس مولوي عبدالستار محمد، د خپل کار په دفتر کې د ډاکار مؤسسې د ولایتي د فتر څانګې مسؤلینو، حنیف شیرذاد، روح الامین، ډاکټر شعیب او سمیع الله ساحل سره د چارو دښې همغږۍ په پار وکتل.
ددې کتنې په ترڅ کې راغلو مسؤلینو دخپلې پېژندنې ترڅنګ وویل، چې دغه مؤسسه د کرنې ریاست سره تر دې مهاله د کرنې او مالدارۍ په برخو کې مرستې او همکارۍ کړي دي دغه راز دوی خپل راتلونکي پلانونه دچارو دښې همغږۍ په پار دکرنې رییس سره شریک کړل.
په همدې حال کې د لغمان دکرنې رییس مولوي عبدالستار محمد د یادې مؤسسې مسؤلینوته د ښه راغلاست ویلو ترڅنګ له دوی څخه مننه وکړه، چې د کرنې او مالدارۍ په برخو کې د کروندګرو او مالدارانو لاسنیوی کوي همداراز محمد راغلو مسؤلینو ته د کرنې او مالدارۍ د پراختیا لپاره د متوازنو خدماتو د پلي کېدو سپارښتنه وکړه او دوی ته یې د پروګرام په تطبیق کې د هر راز همکاریو ډاډ ورکړ.
