د ننګرهارکانال شرکت د شنو خونو حاصلات رسېدلي
د ننګرهار کانال شرکت چارواکي وایي، چې ددې کانال اړوند د شنوخونو حاصلات رسېدلي دي.
د ننګرهار کانال شرکت رییس مولوی غلام الرحمن کظیم وویل: «له ډېره ښه مرغه د ننګرهارکانال شرکت کې ۱۰۱ بابه شنې خوني جوړې شوي، او د شنو خونو حاصلات يې رسېدلي هم دي.»
په دغو شنو خونو کې چې کانال شرکت جوړې کړي په کې مارو، ټینډۍ، بادرنګ، رومي بانجان او نور سابه کرل شوي، چې له دې ډلې یوازې د ورځې ۳۵۰ منه بادرنګ بازار ته وړاندې کېږي او ددغو شنوخونو نور سابه به په نږدې وروځو کې به بازار ته وړاندې شي، په دې شنو خونو کې اوسمهال لسګونه تنه په کار بوخت دي.
