د کندهار کرنې ریاست او خصوصي سکتورو ترمنځ دهمغږۍ ناسته ترسره شوه 

د کندهار دکرنې، اوبولګولو او مالدارۍ ریاست چارواکو د خصوصي سکټور له استازو سره په کتنه کې پر بېلابېلو موضوعاتو خبرې اترې وکړې.
دغه غونډه، چې د کندهار دکرنې ریاست د کرنیزو چارو آمر الحاج شمس الرحمن موسي په مشرۍ ترسره شوه په کې دکندهار دکرنې ریاست چارواکو او د یوشمېرمؤسسو استازي ګډون درلود.
ددې غونډې په ترڅ کې د کندهار دکرنیزو چارو آمر الحاج شمس الرحمن موسی، د مؤسسو استازو څخه مننه وکړه، چې خپلې چارې د کرنې ریاست په همغږۍ ترسره او دکرنې ریاست سره تل همکار پاتې شوي دي.
د کندهار دکرنیزو چارو آمر د مؤسسو له استازو وغوښتل، چې د کندهار ولایت کرنې او مالدارۍ ته ځانګړې پاملرنه وکړي او پراختیایي پروژې په لوړو معیار سره پلي کړي.
په دې غونډه کې دغه راز د کندهار د کرنې ریاست یوشمېر نورو چارواکو هم خبرې وکړې او خپل پراختیایي پلانونه یې د غونډې له ګډونوالو سره شریک کړل.
د غونډې په پای کې د همکارو مؤسسو چارواکو د خپلو خبرو په ترڅ کې د کندهار دکرنې ریاست سره د بشپړې همکارۍ ډاډ څرګند کړل.