هلمند کې د ځمکې غصب مخنیوي تخنیکي پلاوي غونډه دائره شوه
۷ غبرګولی ۱۴۰۳ه.ش
۱۸ ذوالقعده ۱۴۴۵ه.ق
د هلمند ولایت د ځمکې د غصب مخنيوي او غصب شویو ځمکو د تثبیت تخنیکي پلاوي خپله ۱۰۶ مه نوبتي غونډه ترسره کړه.
په یاده غونډه کې د یادې کمېټې رییس الحاج مولوی نیاز محمد وهاج تر څنګ دهلمند ولایت د استخباراتو ریاست رییس الحاج مولوی ناظم، د امنیې قوماندانۍ مرستیال الحاج ملا اغاولي نوراني، د کور او ښارجوړولو چارو رییس الحاج مولوي نیک محمدمعتصم، د سرحدونو او قومونو چارو رییس الحاج مولوي عبدالهادي حماد، د هلمند مستوفي الحاج ملا نعمت الله مغیره، د امارتي قضایاو آمر مولوي عبدالقاهر عاصم او د ځمکو د تنظيم آمریت کارمند انجنیر حامد بشیري هم حضور درلود.
په نننئ ناسته کې په مرکز لښکرګاه کې دپي ار ټي په سیمه کې د ٤٠ جریبه ځمکې، دمالګیر سیمه کې د ٢٢١٤.٥ جریبه ځمکې، هلمند کې د عامه مرعي ٤٠٦٩٠٠٠ جریبه ځمکې او د مارجې په ولسوالی کې د اصلاح سویو تخمونو د فارم ٧٥٠٠ جریبه ځمکې په اړه ترتیب شوي راپورونه ولوستل شول.
تخنیکي پلاوي په یاده ناسته کې د بېلابېلو اشخاصو د ځمکو نسبتي دوسیې وارزولې د حل په اړه یې یو لړ اجرائت او سپارښتنې وکړې.
وروستیو کې د تخنیکي پلاوي لخوا په یو شمېر انفرادي عرایضو خبرې وشوې، په دې اړه پریکړه وشوه چې یاد موضوعات دې د ارتباط له حیثه مربوطه ادارو ته د حل په موخه ولېږدول شي.
په دغه ناسته کې همدارنګه د تخنیکي پلاوي غړیو په یو لړ نورو مهمو موضوعاتو هم بحث او خبرې وکړې او د چارو لا ښه بهبود په موخه یې لازمې پرېکړې وکړې.
