کندهار کې سلګونه مالداران ورزول شول
۵ غبرګولی ۱۴۰۳ه.ش
۱۶ ذوالقعده ۱۴۴۵ه.ق
د کندهار دکرنې، اوبولګولو او مالدارۍ ریاست د افغانستان لپاره د هالنډ کمېټې په همکارۍ ددې ولایت د مالدارانو ستونزو ته د رسېدنې او د څارویو د ناروغیو د مخنیوي په پار د بېلابېلو ناروغیو د واکسینونو پلي کولو ترڅنګ د واکسینونو او د څارویو دناروغیو په هکله مالدارانو ته د عامه پوهاوی پروګرام پیل کړی دی.
د کندهار دکرنې ریاست د چارواکو په خبره ددې لړۍ په ترڅ کې سلګونه څاروي واکسین او ترڅنګ یې مالدارانو ته د څارویو روزنې او واکسینونو په هکله عامه پوهاوی او دوی ته د څارویو د تغذیې په پار منرال خښتې ورکړل شوي دي.
ددې پروګرام موخه د مالدارانو ملاتړ، د څارویو د ناروغیو د کچې ټیټول او په ټوله کې د مالدارۍ سکټور ودې او پراختیا ته زمینه برابرول دي.
