د لوګر د کرنې رییس د کبانو د روزنې فارم څخه لیدنه وکړه
۵ غبرګولی ۱۴۰۳ه.ش
۱۶ ذوالقعده ۱۴۴۵ه.ق
لوګر د کرنې، اوبولګولو او مالدارۍ رییس مولوی عبدالروف سعید په داسې حال کې، چې د عوایدو د تنظیم او محاسبې آمر او د مالدارۍ آمریت تخنیکي او مسلکي کارکوونکو یی هم ملتیا کوله دلوګر ولایت مرکز ته اړوند د کنجک د کبانو د روزنې فارم له حوضونو څخه لیدنه وکړه.
ددې لیدنې په لړ کی یې د فارم کارکوونکو ته د لازمو لارښوونو تر څنګ له هغوی وغوښتل تر څو په پوره صداقت او همغږۍ خپلې کړنې ترسره کړي.
باید وویل شي، چې دغه لیدنه په داسې حال کې تر سره شوه، چې په دغه فارم کې لسګونه محصلین په عملي زده کړو بوخت وو، ښاغلی سعید په خپلو خبرو کې یادو محصلینو ته د پوره همکارۍ ډاډ ورکړ.
