میدان وردګو کې یوشمېر بېوزله کورنیو ته غواوې ورکول کېږي

۹ غویی ۱۴۰۳ه‍.ش
۱۹ شَوّال المُکَرَّم ۱۴۴۵ه‍.ق
دمیدان وردګو د کرنې، اوبولګولو او مالدارۍ ریاست چارواکي وایې، چې ددې ولایت په ۱۵ بېوزله او اړمنو کورنیو غواوې او د مالدارۍ اړونده توکو وېشلو په پار سروې ترسره شوې ده.
د میدان وردګو ولایت د کرنې ریاست وایي، چې په یاد ولایت کې د غواګانو د وېش په پار سروې شوې، چې د سروې له مخې د۱۵ اړمنو کورنیو داقتصادي ودې په پار دوی ته غواوې او د مالدارۍ اړونده توکي ورکول کېږي.
دغه غواوې هغو مېرمنو ته ورکول کېږي، چې اقتصادي ستونزې یې زیاتې وې او دکورنۍ سرپرستان ونه لري.
ددغو غواوو او توکو په ورکړې سره به د یادو مېرمنو اقتصادي ستونزې هوارې شي او د نورو له احتیاج څخه به خلاصې او همدارنګه د حیواني محصلاتو بازار به هم ګرم شي .
ددې پروژې د پلي کولو موخه په دې ولایت کې د مالدارۍ سکټور ته پراختیا ورکول او د بېوزلو کورنیو اقتصادي ملاتړ دی.