خوست کې د کروندو خوندیتوب په پار هڅې؛ له نباتي ناروغیو نمونې اخیستل کېږي
۲۹ وری ۱۴۰۳ه.ش
۸ شَوّال المُکَرَّم ۱۴۴۵ه.ق
د خوست د کرنې، اوبولګولو او مالدارۍ ریاست د بوټي ساتنې امریت په پام کې لري چې، ددې ولایت په ټولو ولسوالیو کې د نباتي ناروغیو د مخنیوی په پار د ناروغو بټو له ناروغیو څخه نمونې واخلي او پر وخت د دغو ناروغو بوټو د درملنې په پار لاس په کارشي.
د خوست دکرنې ریاست وایي چې، ددې پروګرام په ترڅ کې له بوټو څخه د ناروغیو نمونې راټولیږي، بسته بندي کیږي او د تشخیص په موخه لابراتوار ته استول کېږي، چې وروسته بیا د دغو بوټو د درملني په موخه نور اړین ګامونه اخیستل کېږي او ترڅنګ یې بزګرانو ته لازمې لارښوونې هم کېږي.
دغه برنامه د بوټو د ناروغیو له خپراوي څخه د مخنیوي په موخه په لاره اچول شوې ده.
