کمپاین مبارزه علیه آفت ملخ در ولایت تخار افتتاح گردید
به اساس پلان ریاست حفاظه نباتات و قرنطین وزارت زراعت، آبیاری و مالداری کمپاین مجادله ملخ با حضور مولوی رحیم الله احدی رئیس زراعت تخار، استاد میراجان همت نماینده اعزامی مرکز در زون شمال شرق، آمر امور زراعتی، مدیر عمومی ترویج، مدیرعمومی حفاظه نباتات وتعدادی ازکارمندان اداره زراعت آغاز گردید.
این کمپاین در(۸) ولسوالی ملخزار ولایت تخار و بعضی دره‌های شرقی مرکز ولایت تطبیق می‌گردد.
کارمندان موظف حفاظه نباتات در ولسوالی‌های خواجه غار، دشت قلعه، خواجه بهاوالدین، چاه آب، رستاق، اشکمش، ینگی قلعه و کلفگان مسوول تطبیق این کمپاین می‌باشند. ریاست زراعت وسایل و مواد مورد نیاز کارمندان مسوول را تسلیم نمود و هدایت داد تا عازم ولسوالی‌ها شده کار شان را آغاز نمایند.
