د هلمند مرکز لښکرګاه ښار کې د څارویو حلالولو ځایونه وڅارل شول
۱۵ وری ۱۴۰۳ه.ش
۲۴ رَمَضانُ المُبارَک ۱۴۴۵ه.ق
د هلمند ولایت د کرنې، اوبولګولو او مالدارۍ ریاست اړوند د مالدارۍ خدمتونو او څارويو روغتيا امریت مسلکي کارکوونکو لخوا مرکز لښکرګاه ښار کې د څارویو د حلالولو (مسلخ) له ځایونو څخه څارنه او ارزونه ترسره شوه.
د دغې څارنې او ارزونې موخه د خرابو او غیر صحي غوښو د پلور مخنیوی او اړونده قصابانو ته په (مسلخ) کې د څارویو د حلالولو توصیه وه.
ددې څارنې په ترڅ کې د هلمند ولایت د کرنې ادارې مسلکي کارکوونکو لخوا قصابانو ته مسلکي سپارښتنې وشوې او ترڅنګ یې د دوئ ستونزې او وړاندیزونه هم واورېدل شول.
