د ننګرهار دکرنې رییس د ملګرو ملتونو دخوړو او کرنې ادارې مرستیال سره وکتل
۱ وری ۱۴۰۳ه.ش
۱۰ رَمَضانُ المُبارَک ۱۴۴۵ه.ق
د ننګرهار د کرنې، اوبولګولو او مالدارۍ رییس مولوي عبدالستار محمد د ملګرو ملتونو د خوړو او کرنې ادارې له مرستیال فبریزو او د همدې اداري د ختیځ زون مسؤل خوشحال اصفي سره دشیشم بڼ څېړنیز فارم پیاوړتیا او د کرنې او مالدارۍ لاپراختیا په موخه ناسته وکړه.
د ننګرهار د کرنې، اوبولګولو او مالدارۍ رییس مولوي عبدالستار محمد د ملګرو ملتونو د خوړو او کرنې ادارې څخه د مننې ترڅنګ د شیشم بڼ څېړنیز فارم کې روانو کړنو، شته تجروبو، ستونزو، لاسته راوړنو، راتلونکي فعالیتونو او ګڼو نورو برخو کې معلومات وړاندې کړل.
دغه راز ښاغلي محمد په څېړنیز فارم کې د ستونزو حل، امکاناتو برابرولو او په ټوله کې په ننګرهار کې د څاڅکو اوبخور سیستم برابرولو، سړو خونو جوړولو، بازارموندنې، اصلاح شویو تخمونو د څارویو خوراکي توکو او کرنیزو ماشین الاتو برابرولو غوښتنې وکړې.
په همدې حال کې د ملګرو ملتونو د خوړو او کرنې ادارې مرستیال د څېړنیز فارم سربېره په بېلابېلو برخو کې د همکاریو ژمنه وکړه.
