پکتیا کې د نیالګیو کېنولو کمپاین پیل شو

mail-admin
چهارشنبه ۱۴۰۲/۱۲/۱۶ - ۱۵:۲۸
پکتیا کې د نیالګیو کېنولو کمپاین پیل شو

١۶ کب ۱۴۰۲ه‍.ش
٢۴ شَعبان المُعَظّم ۱۴۴۵ه‍.ق
د پکتیا ولایت دکرنې، اوبولګولو او مالدارۍ ریاست له خوا دنیالګیو کېنولو کمپاین په داسې حال کې پیل شوه، چې د پکتیا دکرنې رییس الحاج مولوی عبدالرؤف سعید، د اقتصاد رییس مولوي محمد انور راشد، د چاپېریال ساتنې رییس مولوی عبدالهادي هدایت، د څمکنیو ولسوالی ولسوال مولوي شیرعلی شوکت، د احمدخیلو ولسوالی ولسوال مولوی لعل بادشاه حکمت، د ډنډه پټان ولسوالی مرستیال ولسوال، د طبیعي سرچینو آمر قاري عبدالباقي مهاجر، د کرنیزو چارو آمر عبدالله حلیمزی، د څمکنیو ولسوالی ترویج مدیر، قومی مشرانو، بڼوالو او رضاکاره ځوانانو ګډون کړی وو.
یاد کمپاین د نیالګیو کښېنول وچکالۍ له منځه وړل تر عنوان لاندې ددې ولایت څمکنیو ولسوالی کې د یادو مشرانو له خوا د یو یو نیالګيو په کېنلو سره رسماً پیل شو.
ددې کمپاین د پرانیستې پر مهال د پکتیا دکرنې، اوبولګولو او مالدارۍ رییس الحاج مولوی عبدالرؤف سعید د ونو د کېنولو په راتلونکو پلانونو خبرې وکړې، نوموړي زياته کړه چې سږ کال به په مرکز او ولسواليو کې د مېوه لرونکو او بې مېوې ونو سلګونه زره نيالګي کښېنول، چې د چاپېريالي، اقتصادي او ټولنيزو ګټو برسېره به په زرګونه هکتاره تخريب شوي ځنګلونه بيا ورغوي.
په همدې حال کې د چاپېریال ساتنې رییس مولوي هدايت په خپلو خبرو کې شرعي نصوصو له مخې د ځنګلونو او ونو پر اهميت خبرې وکړې، نوموړي ونې د چاپېريال ساتنې لپاره مهمې او حیاتي پانګه وبلله.
په ورته وخت کې د څمکنیو ولسوال مولوي شیرعلي شوکت د ونو د کمپاين په پيل کېدو خوښي څرګنده کړه، زياته يې کړه چې سږ کال د نورو کالونو په نسبت ځکه هيله بښونکی ده، چې امن برقراره او په يوه سوله ييزه فضاء کې د افغانستان د زرغونتیا لپاره نيالګي کينوو او د ولس سره څنګ په څنګ د هېواد جوړونې ته مټې ورکوو.
د اقتصاد رییس مولوي محمد انور راشد په خپلو خبرو کې په پکتياوالو غږ وکړ، چې د ونو کېنولو او کرنې ته ځانګړې پاملرنه وکړي، ترڅو له همدې لپاره پر خپلو ځانونو بسيا او په کور دننه د داخلي توکو تولید لوړ کړو، نوموړي زياته کړه چې همدغه چاره د داخلي ثبات لپاره ډېره اړينه ده.
دا په داسې حال کې ده، چې دکرنې وزارت له خوا د ۱۴۰۳ کال د نیالګیو کښېنولو کمپاین پیل شوی، چې په ترڅ کې به یې د هېواد د زرغونتیا لپاره په میلیونونو نیالګي کښېنول شي.

تازه ترین اخبار

یکشنبه ۱۴۰۳/۵/۷ - ۱۵:۵
Background image

سفر رییس انسجام و جمع آوری عشر وزارت زراعت به ولایت جوزجان 

۷ اسد  ۱۴۰۳ هـ.ش
مولوی نصرالله مظهری رییس انسجام و جمع آوری عشر وزارت زراعت، آبیاری و مالداری به منظور نظارت و بررسی از روند جمع آوری عشر و زکات به ولایت جوزجان سفر کرده است.
این هیئت. . .

یکشنبه ۱۴۰۳/۵/۷ - ۱۳:۴
Background image

نظارت از ادویه فروشی و کلنیک‌های حیوانی ولسوالی فیض آباد ولایت جوزجان

۷ اسد ۱۴۰۳ هـ.ش
از کلینیک‌های سکتور خصوصی، استیشن‌های القاح مصنوعی، ادویه فروشی‌های حیوانی و فارم‌های مرغداری ولسوالی فیض آباد ولایت جوزجان نظارت و کنترول بعمل آمد.
کارمندان ریاست زراعت. . .

یکشنبه ۱۴۰۳/۵/۷ - ۱۱:۷
Background image

موسسه افغان اید پروژهای زراعتی و آبیاری‌اش را با وزارت زراعت شریک ساخت

طی جلسه‌ای در وزارت زراعت با حضور مولوی صدراعظم عثمانی معین زراعت و مالداری وزارت زراعت مسوولان  موسسه افغان اید طرح تطبیقی پروژهای‌شان را در بخش زراعتی، آبیاری و سایر بخش‌های مرتبط به. . .

BACK TO NEWS