د ننګرهار چپرهار کې د بې کیفیته استراګانو دمخنیوي په موخه کمپاین پیل شو
د ننګرهار د کرنې، اوبولګولو او مالدارۍ ریاست ددې ولایت دچپرهار ولسوالی کې داستراګانو کیفیت معلومولو او نورو برخو کې د ښه والې په موخه کمپاین پیل کړ.
د ننګرهار د کرنې رییس مولوي عبدالستار محمد وویل: «دمالدارۍ امریت ګډ پلاوی استراګانو کیفیت معلومولو، کانټینرو کنټرول، حفظ الصحې، تقلبي، قاچاقي او تاریخ تېرو استراګانو کنترول په موخه کمپاین او څارنه پیل کړه.
د ننګرهار دکرنې رییس وویل، دوی هڅه کوي یاد کمپاین د ننګرهار په ټولو ولسوالیو کې پلي کړي؛ چې په پایله کې به یې باکیفیته او غوره نسلونو لرونکي استراګاني تطبیق شي، ترڅو مالداران په راتلونکي کې د خپلو مالونو څخه باکیفیته او د زیات محصول ورکونکي نسلونه ترلاسه او پدي سره به په کلیوالي کچه دمالدارانو اقتصاد پیاوړي شي.
دغه راز استراګانو خرڅوونکو او تطبیق کوونکو ته د غوره او ښو استراګانو تطبیق او دبې کیفیته او تقلبي استراګانو د نه تطبیق سپارښتنې وشوې.
