کندهار کې پر زیانمنو مالدارانو د څارویو خوراکي توکي وېشل کېږي
![کندهار کې پر زیانمنو مالدارانو د څارویو خوراکي توکي وېشل کېږي](https://www.mail.gov.af/sites/default/files/2024-03/whatsapp_image_2024-03-03_at_13.42.37_e4827df7.jpg)
۱۳ کب ۱۴۰۲ه.ش
۲۱ شَعبان المُعَظّم ۱۴۴۵ه.ق
د کندهار دکرنې، اوبولګولو او مالدارۍ ریاست د ملګرو ملتونو دخوړو او کرنې ادارې په مالي او د افغانستان راتلونکي نسلونو مؤسسې په تخنیکي همکارۍ ددې ولایت پر هغو مالدارانو د څارویو خوراکي توکي وېشي، چې د وروستیو بارانونو له وجې زیانمن شوي دي او د څارویو خوراکي توکو ته لاس رسی نه لري.
د کندهار دکرنې ریاست چارواکي وایي، چې د زیانمنو مالدارانو د سروې لړۍ پیل شوی دی، چې د اټکل له مخې به پر نږدې ۲۳۰۰ مالدارانو د څارویو خوراکي توکي ووېشل شي.
دا مرستې په داسې حال کې ترسره کېږي، چې د کرنې وزارت په وړاندیز د ا.ا.ا ریاست الوزارء په ټول هېواد کې هغو مالدارانو سره د مرستې لړۍ پیل کړی دی، چې د وروستیو ورښتونو او واورې له وجې د څارویو خوراکي توکي ته لاس رسی نه لري.