د لغمان دکرنې ریاست: د سرخکانو د سړې خونې چارې په چټکۍ روانې دي
۱۰ کب ۱۴۰۲ه.ش
۱۸ شَعبان المُعَظّم ۱۴۴۵ه.ق
د لغمان دکرنې، اوبولګولو او مالدارۍ ریاست چارواکي وایي، چې ددې ولایت د قرغه یي ولسوالی د سرخکانو د سړې خونې چارې په چټکۍ روانې دي، چې ډېر ژر به ګټې اخیستنې ته وسپارل شي.
دلغمان د کرنې، اوبولګولو او مالدارۍ رییس الحاج مولوي محمدولي محسن قرغه یي ولسوالی ته د خپل سفر په ترڅ کې د سرخکانو سړې خونې د ترمیم پروژې د چارو څارنه وکړه.
ښاغلی محسن دیادې پروژې کارونه له نږدې ولیدل دپروژې ګټونکي شرکت مسؤل ته یې د پروژې هغه برخې چې نیمګړتیاوې درلودې په ګوته او دغه راز یې د پروژې د کارونو د لوړ کیفیت لارښوونه وکړه.
دغه پروژه د افغانستان اسلامي امارت له پراختیائي بودیجي څخه تمویلېږي، چې موخه یې د بزګرانو ملاتړ او د دوی د حاصلاتو خوندیتوب له لارې د عوایدو د کچې لوړل دي.
