د کندز دشت ارچي کې پر سلګونو اړمنو کورنیو خوراکي توکي ووېشل شوې
دکندز ولايت په دشت ارچي ولسوالی کې پر هغو ٤٩٢ اړو کورنيو خوراکي توکي ووېشل شول چې مخکې دکندز دکرنې، اوبولګولو او مالدارۍ رياست سره په همغږۍ د ډاکار مؤسسې له خوا سروې او پېژندل شوي وو.
دغه مرستې دکندز دکرنې رياست په همغږۍ د ډاکار دفتر له خوا په ٤٩٢ اړمنو کورنيو وېشل شوي دي.
ددې مرستې په لړ کژ هرې کورنۍ ته درې بورۍ اوړه، ۱۲ لیتره غوړي، ۱۲ کیلو لوبیا او یو نیم کیلو مالګه د دشت ارچي ولسوالی د کرنیزو چارو د عمومي مدیر الحاج مولوي عبدالمالک موسی، د اقتصاد رياست استازي او د ياد دفتر د مسوولينو په حضور کې ووېشل شو.
د خوراکي توکو د وېش موخه له بې وزلو کورنیو سره مرسته ده.
د يادونې وړ ده، چې د کرنې، اوبولګولو او مالدارۍ رياست په همغږۍ د ډاکار دفتر له خوا مخکې هم په مرکز او چهاردرې ولسوالی کې پر ٩٨٤ اړمنو کورنيو خوراکي توکي وېشل شوې دي.
