هلمند کې د ملت تفریحې پارک بیارغول کېږي
دهلمند ولایت د کرنې، اوبولګولو او مالدارۍ ریاست اړوند د بولان په سیمه کې د ملت تفریحي پارک چې په شاخوا ٤٠ جریبه ځمکه کې جوړ دی د بیارغونې او پانګونې په موخه خصوصي سکټور ته سپارل شوی دی.
دغه تفریحي پارک چې کلونه وړاندې رغول شوی دی او دا مهال یې ډېری برخې تخریب او رغونې ته اړتیا لرل، د هلمند ولایت د کرنې، اوبولګولو او مالدارۍ ریاست رییس الحاج مولوي نیازمحمد وهاج په لارښؤنه او د ولایت مقام په حکم د رغونې او فعاله کولو په موخه خصوصي سکتور ته په قرارداد ورکړل شوی دی.
نوموړي قراردادي اشخاص به د یوې ځانګړې طرحې له مخې په یاد پارک کې نږدې ٦ میلونه افغانۍ پانګونه کوي او یاد پارک به د ولایت په کچه په ښه معیار ورغول شي.
