هلمند کې د ځمکې غصب مخنیوي تخنیکي پلاوي غونډه دائره شوه
٣٠ سلواغه ۱۴۰۲ه.ش
٨ شَعبان المُعَظّم ۱۴۴۵ه.ق
د هلمند ولایت د ځمکې د غصب مخنيوي او غصب شویو ځمکو د تثبیت تخنیکي پلاوي خپله ٩٨ یمه نوبتي غونډه ترسره کړه.
په یاده غونډه کې د یادې کمېټې رییس مولوی نیاز محمد وهاج تر څنګ نورو غړو هم حضور درلود.
تخنیکي پلاوي په نننۍ ناسته کې پر بېلابېلو موضوعاتو بحث او خبرې وکړې او په اړه یې لازمې کړنې ترسره کړې.
په دې غونډه کې د تیرې غونډې د پریکړو په اړه د ترسره شویو کړنو راپور واورېدل شو، هغه موضوعات چې لا هم ورباندې اجرائت نه وو بشپړ شوي، مربوطه مسؤلینو ته یې په اړه لازمې سپارښتنې وشوې.
تخنیکي پلاوي په یاده ناسته کې پر ځینو نورو مهمو موضوعات بحث او خبرې وکړې او په یولړ مسایلو کې یې پریکړې او تصمیمونه ونیول.
وروستیو کې د تخنیکي پلاوي رییس لخوا همدارنګه د امارتي ځمکو د تشخیص، تثبیت او بررسۍ په برخه کې یو شمېر مسؤلینو ته دندې وسپارلې تر څو د خپلو څېړنو او ارزونو چارې بشپړ او راپور یې وروستۍ غونډې ته وړاندې کړي.
