د پکتیکا د مڼو متراکمو بڼونو د پام وړ حاصل
۳۱ وږی ۱۳۹۸
د کرنې، اوبولګولو او مالدارۍ وزارت د بڼوالۍ او مالدارۍ ملي برنامې «NHLP» له لارې په پکتیکا ولایت کې د مڼو یوشمېر متراکم بڼونه جوړ شوي دي، چې اوس په حاصل راغلي او د پام وړ حاصل لري.
دغه متراکم بڼونه په دې ولایت کې د مڼو د متراکمو بڼونو د دودولو په پار په تېرو درېوو کلونو کې جوړ شوي دي، چې بزګران یې له حاصلاتو خوښ او یادو بڼونو جوړولو ته لېوالتیا پیدا کړي دي.
د پکتیکا د کرنې ریاست چارواکي وایي، چې د مېوو متراکم بڼونه جوړول په دې ولایت کې د بڼوالۍ په برخه کې بې ساري پرمختګ دی.
باید وویل شي، چې د بڼوالۍ او مالدارۍ ملي برنامه « NHLP » پر دې سربېره، چې د متراکمو بڼونو د دودولو په پار هلې ځلې کوی کروندګرو ته تصديق شوي نيالګي ورکوی، له هغوی سره د باغونو په نقشه اچولو، د اوبولګولو د سيسټم په جوړولو او د بڼوالۍ د مديريت اړوند ځينو نورو برخو کې هم تخنيکي او فني مرستې کوي.
