د خوست دکرنې رییس ددې ولایت د ولسوالیو دعشر او زکات مدیرانو سره وکتل
۱۴ سلواغه ۱۴۰۲ه.ش
۲۲ رَجَب المُرَجَّب ۱۴۴۵ ه.ق
د خوست دکرنې، اوبولګولو او مالدارۍ رییس مولوی محمد زمان عمري ددې ولایت د ولسوالیو د عشر او زکات مدیرانو سره په کتنه کې د دوی ستونزې او وړاندیزونه واورېدل.
په دې کتنه کې د خوست دکرنې ریاست د عشر او زکات آمر ددې آمریت د فعالیتونو او لاسته راوړنو راپور د خوست دکرنې رییس ته وړاندې او په دې برخه کې شته ستونزې او ننګونې یې ورسره شریکې کړې.
د خوست دکرنې، اوبولګولو او مالدارۍ رییس مولوی محمد زمان عمري په خپلو خبرو کې وویل، چې هر مدیر باید د عشر او زکات د کړنلارې مطابق او د ا.ا اصولو په رڼا کې خپله دنده ترسره کړي، خپل ټول ورځیني کارونه د پلان مطابق ترسره. ښاغلي عمري د خلکو سره په نرمې او خوږو خبرو کولو ټینګار وکړ او د غونډې ګډونولو ته د هرراز همکاریو ډاډ ورکړ.
