دهلمند څلورو ولسوالیو کې د لسګونه جریبه امارتي ځمکې د غصب مخه ونیول شوه
۱۴ سلواغه ۱۴۰۲ه.ش
۲۲ رَجَب المُرَجَّب ۱۴۴۵ ه.ق
هلمند کې د امارتي ځمکو د غصب مخنیوی د کمپاین په دوام ددې ولایت د د څلورو ولسوالیو «بهمرامچې، مارجې، نادعلي او نوزاد» ولسوالیو د کرنیزو خدمتونو مدیریتونو لخوا د اړونده امنیتي مسؤلینو په همکارۍ د لسګونه جریبه امارتي ځمکې د غصب مخه نیول شوي دي.
ددې کمپاین په ترڅ کې د بهرامچې ولسوالی د ساملې په سیمه کې د ۲۵۰ جریبه امارتي ځمکې د غصب مخه نیول شوې. د چارواکو په خبره د بهرامچې ولسوالی د ساملې په سیمه کې ځینو کسانو پر امارتي ځمکو برمې درولې وې ترڅو وروسته د همدغو برمو په مټ ٢٥٠ جریبه امارتي ځمکه غصب کړي چې پر وخت د یادې ولسوالی د کرنې او امنیتي مسؤلینو په همکارۍ د غصب مخه ونیول شوه او ژورې برمې یې ډکې شوې.
دغه راز دهلمند ولايت د کرنې ریاست اړوند د مارجې ولسوالی د کرنیزو خدمتونو مدیریت او اړونده مسؤلینو له لورې پر امارتي ځمکه د خپل سرو تصرفاتو مخه ونیول شوه.
دیادې ولسوالی د اخترمحمدبازار په سیمه کې ځایي خلکو غوښتل چې په امارتي مځکو کې په خپل سري ډول کورونه جوړ کړي او خپل ملکیت یې وګرځوي چې پر وخت یې د کرنې او اړونده امنیتي مسؤلینو لخوا یې مخه ونیول شوه او د غصب مخنیوی په دې کمپاین کې د ګڼو غاصبینو لخوا نوي جوړ شوي دیوالونه ړنګ او عاملین یې عدلي او قضایي ادارو ته ور وپېژندل شول.
بلخوا د هلمند ولایت د نادعلي ولسوالی د کرنې ریاست کارکوونکو او ددې ولسوالی اړوندو چارواکو له خوا ددې ولسوالی په بېلابېلو سیمو کې د امارتي ځمکو د غصب مخه نیول شوې ده.
ددغو کړنو ترڅنګ د هلمند دکرنې، اوبولګولو او مالدارۍ ریاست له خوا ددې ولایت د نوزاد په ولسوالی کې د طبیعي ځنګلونو د ونو پرېکولو مخه هم نیول شوې ده.
دهلمند ولایت د کرنې، اوبولګولو او مالدارۍ ریاست لخوا د طبیعي سرچینو آمریت کارمندانو په مټ د یادې ولسوالی د ځنګلونو د ونو پریکولو مخه ونیول شوه.
په یادو سیمو کې یو تن غوښتل، چې د غرني ځنګل طبیعي ونې پرې کړي چې نوموړی کس د امیتي مسؤلینو په همکارۍ ونیول شو او اړونده عدلي او قضایي ادارو ته وروپېژندل شو.
د یادولو وړ ده چې تر دې وړاندې هم د هلمند ولایت په بېلابېلو ولسوالیو کې د امارتي ځمکو د غصب او د طبیعي ځنګلونو د پریکولو مخنیوی شوي دي.
