دکرنې وزارت د ځمکو چاروی رياست لخوا ننګرهار کې د کورونو د سروې چارې روانې دي
د کرنې، اوبولګولو او مالدارۍ وزارت د اراضۍ ریاست د غير رسمي ښاري سيمو د ثبت رياست لخوا ننګرهار ولایت هسکې مېنې، رودات او کوټ ولسوالېيو کې د استرداد شويو ځمکو د کورونو سروې چارې په چټکۍ سره روانې دي.
د کرنې وزارت د ځمکو چارو ریاست د غير رسمي ښاري سيمو د ثبت رییس مولوي عبدالصمد پاڅون د هسکې مينې (ده بالا)، رودات او کوټ ولسوالېيو له مسئولینو سره وکتل او د دغې ملي پروژې په ارزښت يې خبرې وکړې.
ورپسې د یادو ولسوالیو مسئولينو د عالیقدر امیرالمؤمنین حفظه الله د حکمونو د تطبیق او په خپلو دندو کې د اراضۍ ادارې د غير رسمي ښاري سيمو د ثبت رئيس ته د هر ډول همکارۍ ژمنه وکړه.
ننګرهار ولایت د هېواد په کچه يو له هغو ولايتونو څخه شمېرل کیږي، چې د عالیقدر امیرالمؤمنین حفظه الله د حکم پر بنسټ په استرداد شويو ځمکو کې د کورونو د سروې چارې د اراضۍ ریاست د غير رسمي ښاري سيمو د ثبت رياست لخوا په چکتی سره روانې دي.
د يادونې ده، چې د کورونو د سروې او ارزونې څخه وروسته دغه امارتي جايدادونه خپلو مستحقينو ته په اجاره ورکول کېږي.
