خوست کې د چرګانو خوراکي توکو شرکتونو څخه څارنه وشوه
د خوست دکرنې، اوبولګولو او مالدارۍ ریاست د مالدارۍ آمریت تخنیکي پلاوي په دې ولایت کې د چرګانو خوراکي توکو تولیدي شرکتونو څخه څارنه وکړه.
ددې څارنې په ترڅ کې د یادو شرکتونو چارواکو ته سپارښتنه وشوه، چې خپلې چارې دکرنې وزارت لارښود سره سم برابر او د فارم لرونکو چرګانو ته معیاري خوراکي توکي چمتو کړي.
په همدې حال کې د یادو شرکتونو چارواکو د خوست دکرنې ریاست تخنیکي پلاوي سره ژمنه وکړه، چې فارم لرونکو ته په معیارونو برابر د چرګانو خوراکي توکي برابروي.
